Albisteak

Euskadin, FEGAk argitaratutako txostenaren arabera, 2016an, Europako laguntza zuzenak jasotzen dituzten 8.331 pertsonen artean 3.193 emakume eta 5.138 gizonezko zeuden, emakumezkoak %38,32koa izanik. Bataz beste, emakume bakoitzak 2.684 euro jaso zituen eta aldiz, gizonezko bakoitzak, 4.712 euro. Hau da, emakumezkoek %40 gutxiago jaso zuten.

Adinaren araberako maila bakoitzari begiratuz gero, 25 urte azpikoen artean, guztira 43 pertsona daude eta horietatik, 38 gizonezkoak eta 5 soilik, emakumezkoak dira. Hau da, 25 urte azpikoen artean, emakumezkoak %11,6 dira. 25 eta 40 urtekoen artean, guxtira 681 pertsona daude, 523 gizonezkoak eta 158 emakumezkoak, hau da, emakumezkoak %23,20kora iristen dira. 40 eta 65 urte bitartekoen artean, guztira, 4.569 pertsona daude eta horietatik, 2.914 gizonezkoak eta 1.655 emakumezkoak, hau da, emakumezkoak %36,22 dira eta azkenik, 65 urtetik gorakoen artean, guztira, 3.038 pertsona daude eta horietatik, 1633 gizonezkoak eta 1.375 emakumezkoak, beraz, emakumezkoak %45,26 ra iristen dira.

Konklusio gisara, adinaren arabera gorantza goazen neurrian, emakumearen pisua gero eta haundiagoa da eta horren islada da, 25 urte azpikoen artean emakumeak %11,6 direla eta aldiz, 65 urtetik gorakoen artean, %45ra iristen dela.

Arrasateko herrian ospatuko dira 2018ko Baso Jardunaldiak, egungo basogintzaren berri emateko eta bide batez, modu jasangarrian baso kudeaketa teknika berriak mahaigaineratzeko.

Jardunaldiak Otsailaren 28an hasi eta Martxoaren 3an amaituko dira eta bertan partehartzeko aurrez izena eman beharko duzu Fraisoroko Eskolan (943.6921.66)

ENBA nekazal sindikatuak Nazioarteko Emakumearen Eguna ospatu asmoz VOLAR pelikula botako du Martxoaren 8an, goizeko 11tan, Tolosako egoitzako aretoan. "Volar" , Bertha Gaztelumendik zuzendutako pelikulak, indarkeria jasan duten bederatzi emakumeren testigantzak jasotzen ditu eta 2017ko Donostiako Zinemaldian aurkeztua izan zen.

ENBA sindikatuak dei berezia egin nahi die Gipuzkoako baserritarreri, nahiz emakume nahiz gizonezkoak izan, pelikula ikustera etor daitezen eta bide batez, ondoren  izango dugun elkarrizketan partehartzera. Etortzeko asmoz izanez gero, mesedez, aurrez eman izena 943.650123 zenbakian eta This email address is being protected from spambots. You need JavaScript enabled to view it. helbide elektronikoan.

Eusko Jaurlaritzak mahastizain eta ardogileentzako laguntza sorta argitaratu berri du eta 2018ko deialdian bertan, hirugarren herrialdeetan mahastizaintza eta ardogintzako produktuei buruzko sustapen eta informazio programak eta ekintzak egiteko laguntzak aureikusten dira (Eskabide epea Otsailaren 15ean amaitzen da) eta ardogintza eta mahastizaintzako sektorea bultzatzeko programaren inbertsiorako laguntzak (Eskabide epea Apirilaren 14an amaitzen da) txertatzen dira.